C'hoari ha gober

Kaset d'an/d'ar 11/06/2022

DISADORN : C'HOARI HA GOBER (e brezhoneg, èl rezon) !

10e-12e da vintin, sal Sten Kidna

A-benn disadorn, etre 10 eur ha kreisteiz e vo unan bennak, ur brezhonegour(ez) a-youl-vat, er sal evit degemer an dud. Mod-se e ouio pep unan e c'hello tremen dre ar sal d'an eur-se ha kavout unan bennak da varbotal getoñ e brezhoneg. Mes pas hepken. Moaien a vo ivez c'hoari - hervez an niver a dud èl rezon -, evet ur lomm, lenn kazetennoù pe levrioù a zo e sal ar Gerlenn ; hag ivez selaou doc'h enrolladennoù a zo e urzhiataer ar Gerlenn, perak pas.

Digor e vo d'an holl, izili ar Gerlenn pe pas, komañserion pe tud aroutet-mat àr ar brezhoneg. Ne vo ket ag ar sadornioù-se e-pad ar vakañsoù pe an deizioù ma vo un abadenn arall get ar Gerlenn e lec'h arall. Doujet e vo d'ar reolennoù yec'hed, èl rezon.

DAIT NIVERUS !

A galon atav,

Patrick Dréan