Ar priz lennegel Sten Kidna
Krouet e oa bet e 2009, àr un dro get ar priz «Bernard Moitessier» (e galleg) er Bonoù. Enoriñ a ra ar priz Sten Kidna bep blez ur levr faltazi nevez e brezhoneg (romant pe danevelloù). Ar skriv hag an embann e yezh ar vro a vez soutenet get ar priz-se, dre ur skoazell argant.
Levroù priziet da ziwezhañ
Priz Sten Kidna 2021
Roet eo bet priz 2021, a-gevred get ti-kêr An Alre,
da Gristian Braz evit e levr "Kroashent-tro (danevelloù 2)" (Al Liamm, 2020) !
Degemeret e oa bet Kristian Braz get Kerlenn Sten Kidna, en Alre d’ar sadorn 25 a viz Gwengolo 2021, er sal Louis Massé, evit ur pennad komz a-zivout e zastumad danevelloù « Kroashent-tro (lodenn 2) », embannet get Al Liamm.
D’ar seizh den a yae d’ober ar juri e oa bet roet da lenn ar pemp dastumad a oa bet rakdibabet, ha dilennet o deus an dastumad-mañ, skrivet en ur brezhoneg a galite, frazennoù efedus ha dibompadus. Plijet en deus ivez d’al lodenn vrasañ ag ar juri ivez abalamour da demoù, lec’hioù ha prantadoù liesseurt an danevelloù, en o mesk bro-Iwerzhon e prantad an « trubuilhoù », Berlin e gre ar brezel yen, menez Are, buhez ul labourer divroet e bro C’hresia...
Daet oa ur pemzek bennak a dud da gomz get ar skrivagner. Gurvan Nicol a oa aze e anv ar c’huzul-kêr hag en doa roet ar chekenn 500 € d’an den, kement ha souten e labour.
Un emglev zo etre an ti-levrioù Vent de Soleil en Alre hag ar Gerlenn evit prenañ ar levrioù evit ar juri, hag ivez reiñ an tu d’an dud da brenañ ar levr en deus gounezet, « Kroashent-tro, danevelloù 2 ». Ar re-se a c’hell bout kavet e sal ar Gerlenn pe en ti-levrioù (12€).
Levroù priziet da ziwezhañ
|
Yann Gerven Dre faot Fauré (romant)
|
Jerom Olivry Ouzh skleur an noz (romant)
|
|
Mich Beyer Troiad en Ifern (romant)
|
Yann Bijer Bar Abba (romant)
|
Priz Sten Kidna 2016
Roet 'zo bet ar priz Sten Kidna d'ar sadorn 4 a viz Mezheven en Alre :
da vMikael Madeg evit e levr "Dispac'h" (Kêredol, 2014)
Un abadenn Brezhoweb a zo bet graet diàr e benn.
6 romant a oa àr ar renk ar blez-mañ :
- Bara Brith, David ar Gall, Al Liamm, 2015
- Diskrap e Skabyar, Yann Gerven, Al Liamm, 2015
- Udora, Paskal an Intañv, Al Liamm, 2015
- N’eus ket a garantez eürus, Goulc’han Kervella, Skol Vreizh, 2015
- Dispac’h, Mikael Madeg, Kêredol, 2014
- Divemor, Pierre-Emmanuel Marais, Al Liamm, 2015
Ur eil priz evit talvoudekaat brezhoneg bro Gwened : priz Michel Demion.
Roet eo bet ivez ar priz ispisial-mañ da zDaniel Carre evit e labour a-fet levr Loeiz Herrieù. Troet en deus e galleg "Kammdro an ankoù".
Priziet a-raok
|
Erwan Hupel Yudal (romant)
|
Yann Gerven Traoù nevez (danevelloù)
|
|
Aziliz Bourgès An diaoul ouz taol (romant)
|
Yann Bijer Torrebenn (romant)
|
|
Riwall Huon Ar marc'h glas (romant)
|
Herve Gouedard Liñvadenn Kastellaodren (danevelloù)
|
Mich Beyer
Etrezek an enez (romant)
